LIONSKLÚBBURINN ÆGIR OG SÓLHEIMAR KYNNA: „LITLU JÓLIN Á SÓLHEIMUM” - JÓLALÖGIN Á GEISLADISK

Útgáfan er fjáröflunarverkefni sem miðar að því að efla menningarstarf Sólheima.

Þeir fjármunir sem safnast munu renna í sérstakan hljóðfærasjóð sem nýtast mun íbúum Sólheima til að halda áfram að sækja fram á sviði tónlistar og sviðslista.

FLOTTUR HÓPUR LISTAFÓLKS, SÓLHEIMAKÓRINN OG SJÁLFUR ÓMAR RAGNARSSON!

Það eru 65 ár síðan Lionsklúbburinn Ægir fór fyrst að Sólheimum með jólagjafir til barnanna sem þar bjuggu. 

Allar götur síðan hafa Lionsmenn komið að Sólheimum á aðventunni og staðið fyrir jólaskemmtun sem ber nafnið „Litlu jólin” og því sjálfsagt að jóladiskurinn beri það nafn.

Diskurinn inniheldur úrval jólalaga sem hafa verið sungin á Sólheimum í áranna rás og endurspeglar aðventustemninguna sem íbúar Sólheima og gestir mynda.

Flytjendur eru Sólheimakórinn og vinir. Má þar fremstan nefna Ómar Ragnarsson sem hefur í um sextíu ár mætt á Litlu jólin til að skemmta. Aðrir söngvarar eru Bergþór Pálsson, Björgvin Franz Gíslason, Magnea Tómasdóttir, Sigríður Ósk Hrafnkelsdóttir og  Tinna Margrét Hrafnkelsdóttir.

Hljóðfæraleikarar eru Haraldur Thorsteinsson (bassi), Hilmar Sverrisson (hljómborð), Ragnar Sigurjónsson (slagverk), Tryggvi Hübner (gítar) og Hrafnkell Pálmarsson (gítar).

UPPLÝSINGAR UM ÚTGÁFUNA

Hljóðritað í Sólheimakirkju og HS Stúdíó  2021 og 2022.

Upptökur Sólheimakórsins: Hrafnkell Pálmarsson. Hallbjörn V. Rúnarsson annaðist upptökur í Bráðum koma blessuð jólin. 

Aðrar upptökur: HS Stúdíó.

Verkefnastjórn: Magnea Tómasdóttir.

Hljóðfæraleikarar: Haraldur Thorsteinsson (bassi), Ragnar Sigurjónsson (slagverk), Tryggvi Hübner (gítar), Hrafnkell Pálmarsson (gítar) og Hilmar Sverrisson (hljómborð).

Útsetningar: Hilmar Sverrisson og Haraldur Thorsteinsson.

Myndskreyting: Ruth Haraldsdóttir / Hönnun: Guðmundur Pálsson.